СЕОМ ходимларига 24 миллион 412 минг 800 сўм ундириб берилди
🔈 Жиззах вилояти Дўстлик туманида яшовчи фуқаро Ҳамраев Абдухалил ҳамда яна 15 нафар ходимнинг Дўстлик туман Санитария-эпидемиологик осойишталик маркази томонидан иш хақи берилмаётганлигидан норози бўлиб ёзган мурожаатлари бўйича тўпланган хужжатлар туман адлия бўлими томонидан ўрганилди.
💴 Адлия вазирлиги ахборот хизмати хабар беришича, Дўстлик туман Санитария-эпидемиологик осойишталик марказининг 2020 йил 11 июндаги 109-сонли буйруғига кўра, бош врач Ҳамраев Абдухалил Сафаровичга 15 майдан 11 июнь кунига қадар кунлик 6 фоизлик қўшимча тўлов иш ҳаққига қўшиб тўлаб борилиши белгиланган.
🗓 Бироқ, Дўстлик туман Санитария-эпидемиологик осойишталик маркази томонидан Ҳамраев Абдухалил Сафарович ҳамда яна 15 нафар ходимга 2020 йил 11 июнь ҳолатига 24,412 млн. сўм қўшимча тўлов иш ҳақи тўлаб берилмаган.
✅ Дўстлик туман адлия бўлими томонидан Фуқаролик судига фуқаролар манфаатида киритилган ариза тўлиқ қаноатлантирилиб, қарздор Дўстлик туман Санитария-эпидемиологик осойишталик марказидан ходимлар фойдасига 24,412 млн. сўм иш хақини ундириб бериш хақида суд буйруғи чиқарилиши таъминланди.