"Сен бу ерда нима қурдинг?" Президент янги қурилган уйларга норозилик билдирди
Тожикистон президенти Имомали Раҳман Кўлоб шаҳридаги янги иншоотларнинг очилиш маросимида баъзи объектларнинг сифати пастлигидан хавотир билдирди, деб хабар бермоқда Ахбор нашри.
11 сентябрь куни Имомали Раҳмон Сангак Сафаров кўчасида 13 қаватли турар-жой биносининг очилиш маросимида иштирок этди. Маросимда давлат раҳбари бинонинг ишлаб чиқарувчиси Тожикистон Республикаси ҳукумати қошидаги алоқа хизмати раҳбари Бег Сабурни танқид қилди.
"Сен бу ерда нима қурдинг? Ахир, биринчи ёмғир ёки шамолдан кейин қулаб тушадику!" деган президент Бег Сабурга мурожаат қилиб.
Расмий хабарда Бег Сабурнинг номи тилга олинмаган, фақат Комил-2010 коипанияси 13 қаватли турар-жой биносини қургани ҳақида хабар берилган, у Бег Сабурнингўғли Сиёвуш Зухуров номига очилган.
Ўз номини ошкор қилмаслик шарти билан "Ахбор"га маълумот берган манба президент айнан Бег Сабур қурган уйлардан норози эканини тасдиқлади: "Имомали Раҳмон Кўлобга ташрифи давомида 16 та объектни очди, аммо у бажарилган ишларнинг сифатидан унчалик мамнун эмаслиги аниқ бўлди. Кўпгина ишлаб чиқарувчилар ўз ишларини шошилинч равишда, президентнинг келиш вақти учун топширган".
