Сақични ютиб юбориш қанчалик хавфли?

Сақични ютиб юбориш нотўғри ҳолат. Аммо бир дона, кичик ҳажмли сақични ютиб юборсангиз, сақич ҳазм бўлмасдан бир неча кун ичида танани табиий равишда тарк этади. Ошқозондаги кислота муҳити организм учун яхши ҳимоя вазифасини бажаради, камдан-кам ҳолларда бу ичак тутилишига олиб келиши мумкин.

Сақични овқатдан кейин, таркибидаги хушбўй озиқ моддалар парчалангунча, 7-10 дақиқа давомида чайнаш фойдали. Болаларга сақични ютиб юбориш нотўғри иш эканлигини идрок қила оладиган 6-7 ёшгача сақич бермаган маъқул, чунки кичик ёшдаги болаларда сақич аллергик реакциялар келтириб чиқариши ва томоқ, нафас йўлларига тиқилиб қолиши мумкин.