Санкт-Петербургда 15 ёшли ўсмирни урган ўзбекистонлик йигит қўлга олинди
Маълум қилинишича, 24 октябрь куни Космонавтов проспектида яшовчи ўсмир Раухфус касалхонасига ётқизилган. Йигит бир ҳафта олдин 15 ёшини нишонлаган. Унинг сўзларига кўра, Космонавтов шоҳ кўчаси 28/2-уйдаги «Пятёрочки» қўриқчиси унга қўл кўтарган.
Таъкидланишича, шифокорлар ўсмирга кўриш тизими шикастланиши, кўз шох пардаси шиши ва кўз қовоғининг гематомаси ташхисини қўйган ҳамда полицияга мурожаат қилинган. Ҳолат юзасидан Россияга ишлаш учун келган 28 ёшли ўзбекистонлик йигит қўлга олинган. У август ойидан бери Санкт-Петербургда яшаб келаётгани аниқланган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
