«Samsung Galaxy Note 10» бугундан 70 та мамлакатда сотувга чиқди

Бугун, 23 августдан «Samsung» компаниясининг «Galaxy Note 10» янги флагман смартфони 70 та давлат сотила бошланди. Бу ҳақда «Yonhap News» компания вакилларига таяниб хабар тарқатган.

Сентябрнинг бошидан эса флагман сотиладиган мамлакатлар сони 130 тага кўпаяди.

Смартфон савдоси Жанубий Корея, АҚШ, Канада, Буюк Британия, Франция, Россия, Сингапур, Таиланд, Ҳиндистон, Австралия, шунингдек, Европа ва Жанубий-Шарқий Осиёнинг бошқа давлатларида старт олди.

Компания вакилларининг таъкидлашича, жорий йилнинг 9-19 август кунлари «Galaxy Note 10»га олдиндан буюртмалар сони 1,3 млн.тага етган.