Самарқандда ЙПХ инспектори тўхтатган "Damas" ичидан 18 нафар йўловчи тушиб келди

Самарқандда "Damas" ҳайдовчиси 18 нафар йўловчи билан ҳаракатланди.

М-37 автомобиль йўлининг 11-километрида хизмат олиб бораётган ЙПХ ходими автомашинани тўхтатганда транспорт воситаси ичидан ичидан жами шунча йўловчи тушиб келган. Йўл ҳаракати хавфсизлиги хизматининг хабарига кўра, ҳайдовчига нисбатан Йўл ҳаракати қоидаларининг 159-банди талабини бузганлиги бўйича маъмурий баённома расмийлаштирилган.

"Барча ҳайдовчилардан қоидаларга риоя қилишларини, йўловчилардан эса ўз саломатликларига эътиборсиз бўлмасликларини сўраймиз",-дейилади хабарда.