Самарқандда "Нексия-3" "Спарк"ни, "Спарк" эса аёл кишини уриб юборди

Жорий йилнинг 20 январь куни соат 11:05ларда, Самарқанд вилояти, Пахтачи тумани, А.Темур кўчасида, ҳайдовчи, 1993 йилда туғилган Ф.С. "Спарк" русумли автомобилда ҳаракатланаётиб, йўл ҳаракати қоидаларига амал қилмасдан чап томонга бурилаётган вақтида, бир йўналишда ортида ҳаракатланиб келган, ҳайдовчи, 1994 йилда туғилган О.Х. бошқарувидаги "Нексия-3" русумли автомобиль билан тўқнашган. Зарб оқибатида "Спарк" автомобили йўл четида турган пиёдани уриб юборган.

Натижада, пиёда, 1964 йилда туғилган Д.С. тан жароҳати олиб шифохонага ётқизилган.

Мазкур ЙТҲ юзасидан тўпланган ҳужжатлар кўриб чиқишлик учун Жиноят ишлари бўйича Пахтачи тумани судига юборилган.