Самарқандда 15 ёшли бола канализация қувурига тушиб кетди
Бугун, 23 сентябрь куни Самарқанд шаҳрида 15 ёшли бола эҳтиётсизлик оқибатида ерости қувурига тушиб кетди.
Қайд этилишича, соат 17:00 да Самарқанд шаҳрининг “Абубакр Розий” кўчасида жойлашган чуқурлиги тахминан 12 метр бўлган ерости қувури (канализация)га 15 ёшли бола тушиб кетгани ҳақида вилоят ФВБга хабар келган.
Бола қутқарувчилар томонидан соғ-саломат чиқариб олиниб, унга биринчи тиббий ёрдам кўрсатилган ва даволаш муассасасига юборилган. Ҳозирда бола шифокорлар назоратида.
Матнда хатолик топсангиз, ўша хатони белгилаб, бизга жўнатинг (Ctrl + Enter).
