Рус аскарлари Тергов қўмитасидан ноқонуний озодликдан маҳрум қилиш бўйича жиноий иш қўзғатишни талаб қилишмоқда

Рус аскарлари Тергов қўмитасидан ноқонуний озодликдан маҳрум қилиш бўйича жиноий иш қўзғатишни талаб қилишмоқда

Украинада жанг қилишдан бош тортгани учун икки ҳафта ертўлада сақланган россиялик ҳарбийлар Тергов қўмитасидан ноқонуний қамоққа олиш, одам ўғирлаш ва мансаб ваколатларини суиистеъмол қилиш моддалари бўйича жиноий иш қўзғатишни талаб қилди. Бу ҳақда "Агора" инсон ҳуқуқлари ташкилоти раҳбари Павел Чиков хабар берди.

Август ойида ЛХРда жанг қилиш учун жўнатилган москвалик Александр Афонин ва псковлик Андрей Васильев тергов органларига ариза билан мурожаат қилишди. Ҳуқуқ ҳимоячисининг ёзишича, ҳарбийларга у ерда етарли даражада тиббий ва моддий ёрдам кўрсатилмаган ва жанговар ҳаракатларда қатнашишдан бош тортишга қарор қилган.

Натижада, улар яна 280 га яқин сафарбар қилинган руслар билан бирга Зайцево қишлоғидаги ертўлага жойлаштирилган. Ҳарбийларнинг сўзларига кўра, улар у ерда икки ҳафта давомида ғайриинсоний шароитда етарли озиқ-овқатсиз ушлаб турилган. Бундан ташқари, юқори мартабали қўмондонлар уларга таҳдид қилиб, психологик босим ўтказган.

Шартнома муддати тугагач, ҳарбий хизматчилар Ростов вилоятига олиб кетилган. Улар билан биргаликда Зайцеводаги ертўлада сақланаётган уч нафар сафарбар қилинган шахснинг қариндошлари Тергов қўмитасига мурожаат қилишган.

Чиковнинг ёзишича, яна бир шунга ўхшаш воқеа ДХРнинг Завитне Бажанна қишлоғида содир бўлган, у ерда Приморьедан сафарбар қилинган фуқаро Михаил Носов ертўлада сақланган. У билан бирга ертўлада яна 17 нафар ҳарбий хизматчи бўлган, улар ҳам жанг қилишдан бош тортган. Тахминан икки ҳафта ўтгач, Носов Ростов вилоятига юборилган. Унинг сўзларига кўра, Ростовга юборилгач касалхонага ётқизилмаган. У ҳам Тергов қўмитасига ўзига қарши содир этилган жиноятлар ҳақида ариза топширган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!