Россиянинг «Герофарм» компанияси Ўзбекистонда инсулин ишлаб чиқаришни маҳаллийлаштиради

Россиянинг «Герофарм» фармацевтика компанияси бош директори Петр Родионов унинг компанияси Ўзбекистонни арзон инсулин билан таъминлашини маълум қилди, деб ёзади «ТАСС».

Расмий маълумотларга кўра, Ўзбекистонда 350 мингга яқин қандли диабет билан оғриган одам бор, аммо скрининг натижаларига кўра амалдаги кўрсаткич 2-3 миллион беморни ташкил этади, деди Родионов вазиятга изоҳ берди.

– Ўзбекистондаги беморларни ҳамёнбоп юқори сифатли инсулинлар билан таъминлаш орқали ушбу ўткир ижтимоий аҳамиятга эга муаммони ҳал қилишга кўмаклашишни ўз бурчимиз деб биламиз, – деди у.

Петр Родионовнинг қайд этишича, Санкт-Петербург халқаро иқтисодий форумида (СПИEФ) компания Zuma Pharma'да Ўзбекистонда учта инсулин аналогини ишлаб чиқаришни маҳаллийлаштириш бўйича шартноманинг тижорат шартларини имзолаган. Генетик жиҳатдан яратилган инсон инсулинларини чиқариш режалаштирилган.

Герофарм "Zuma Pharma" компаниясига биёсимиларни қадоқлаш ва чиқариш сифатини назорат қилиш нуқтаи назаридан ишлаб чиқариш технологиясини тақдим этади. Ўзбекистонлик ҳамкор маҳаллийлаштирилган инсулин ишлаб чиқариш учун фармацевтика моддасини биздан харид қилади. Айтганча, тўловлар рублда амалга оширилади», — деди Родионов иш жараёни ҳақида.

Корхона ва ташкилотларнинг ягона давлат реэстри маълумотларига кўра, «Zuma Pharma» МЧЖ 2020 йил февраль ойидан бошлаб фармацевтика маҳсулотларини ишлаб чиқариш билан шуғулланади. «Fazo Luxe» МЧЖ устав капиталининг 17 фоизи, «Innekmed Farm» МЧЖ 5,4 фоизи, бошқа акциядорларнинг ҳар бири 27,2 фоиз улушига эга.