Россияни тарк этиш қарори туфайли Microsoft жуда катта харажат қилди

Американинг Microsoft корпорациясининг Россия бозорини тарк этиш қарори туфайли операцион харажатлари 126 миллион долларни ташкил этди.

Бу ҳақда компаниянинг молиявий ҳисоботида айтилади.

"Натижада биз умидсиз қарзлар, активларнинг қадрсизланиши ва ишдан бўшатиш тўловлари билан боғлиқ 126 миллион долларлик операцион харажатларни қайд этдик", - дейилади ҳужжатда.

4-март куни Microsoft компанияси Россияда товар ва хизматлар савдосини тўхтатишга қарор қилди.

Кейинчалик Microsoft россияликларга Windows 11 ва Windows 10'ни юклаб олишни тақиқлади.