Россиялик хоккейчилар ҳақида фикр билдирган америкалик журналист қиз таҳдидлар остида қолди

“The New York Times” газетаси журналисти Жули Робенхаймер Халқаро хоккей чемпионатида Россия хоккейчиларининг ўйини ҳақида нотўғри изоҳ берганидан кейин кўплаб таҳдидлар остида қолди.

Америка жамоаси билан Россия жамоаси ўйинида америкаликлар мағлубиятга учрашди. Журналист қиз бу ҳолатни "абсурд" сўзини ишлатиш билан изоҳлади. Унинг баёноти кўплаб оммавий ахборот воситаларининг эътиборини тортди, ижтимоий тармоқ фойдаланувчиларининг эса ғазабини келтирди. Натижада у ижтимоий тармоқлар орқали  ҳатто қотиллик билан таҳдид қилинган хабарларни ҳам қабул қила бошлади. Журналист қиз бўлган воқеани тушунтиришга ҳаракат қилди.

Унинг сўзларига кўра, "абсурд" сўзини ишлатиб, у салбий маънони кўрсатмоқчи эмас, балки русларнинг ўйини ажойиб бўлганини айтмоқчи бўлган. Тўғри таржима қилиш учун инглиз тилини етарли даражада билмаган рус ишқибозларининг кўпчилигини эса саводсиз деб таъкидлаган.

"Sport Express" нашрига берган интервьюсида эса Россия жамоасини ажойиб деб ҳисоблашини қўшимча қилган.