Россиялик миллиардернинг куёви президент бўлиши мумкин

Россиялик миллиардернинг куёви президент бўлиши мумкин

“Форбес” нашри маълумотига кўра, россиялик миллиардер Дмитрий Рыболовлевнинг куёви Хуан Сартори Уругвай президенти бўлиши мумкин.

 

“Уралкалий”нинг собиқ эгаси, ҳозирда эса “Монако” футбол клубининг раҳбари бўлган Рыболовлев Форбеснинг Россиянинг энг бой тадбиркорлари рейтингида 17 ўринда туради (6.8 миллиард доллар).

 

Куёви эса “Union Group ” конкломерати асосчиси ва президенти ҳамда «Сандерленд» инглиз футбол клубининг раҳбари ҳамдир. У миллиардернинг катта қизига уйланган.

 

Форбес маълумотига кўра, 38 ёшли Сартори сиёсий тажрибага эга бўлмаган ҳолда ўз мамлакатининг президенти бўлишга уриниб кўрмоқчи. Дастлабки сайловлар 30 июн куни, президент сайлови эса октябрда бўлиб ўтади.

 

Маълумотларга қараганда, қайнота куёвининг ишларига аралашиш ниятида эмас. Унинг сўзларига кўра, бу куёвининг шахсий иши.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!