Россиядаги ўрмонда муҳожирларнинг ноқонуний қабри топилди

Россияда, Якуцкда маҳаллий паррандачилик фабрикаси ҳудудидаги ўрмонда оммавий қабр топилди. Беш нафар муҳожир ноқонуний қабристонга дафн қилингани маълум бўлди.  Иккитасининг шахси аниқланди, деб хабар беради Россия Тергов қўмитаси республика бошқармаси.

Учта қабрда қабр тоши йўқ эди. Терговчилар дафн қилинганларнинг қолганининг шахсини аниқлайдилар. “Текшириш натижаларига кўра процессуал қарор қабул қилинади”, дейилади ҳисоботда. Таъкидланишича, муҳожирлар дафн қилинган жойдан унчалик узоқ бўлмаган ҳудудда марҳумларни кўмиш мумкин бўлган қабристон мавжуд.

Хабарларга кўра, шахси аниқланган марҳумлар Тожикистон ва Қирғизистондан келган муҳожирлардир.