Россияда Ўзбекистон фуқароси қўлга олинди. У Украина махсус хизматлари билан ҳамкорлик қилган

ФСБ Брянск вилоятида Украина ҳуқуқ-тартибот органлари билан хамкорлик қилувчи Ўзбекистон фуқаросини қўлга олди. Унинг ёнидан яширин тарзда фото, видео ва аудио ёзиб олувчи махсус воситалар ва наркотик моддалар топилган.

Айбланувчининг ўзи гиёҳванд модда таъсирида бўлган — у гиёҳванд моддани "Жасурлик учун" қабул қилганлигини тан олди.

Айбланувчининг айтишича, Украина махсус хизмати топшириғига кўра, у Россия чегарасини ноқонуний кесиб ўтиб, рус жиноий гуруҳлари ишончига кириши керак бўлган. Украина махсус хизмати криминал шахсларни айнан шу тариқа қўлга олишни режалаштирган. Аммо нимадир нотўғри кетиб, ҳеч ким қўлга олинмаган, ваҳоланки ўзбекистонлик бу вақтда чегарани кесиб ўтиб бўлган эди.

ФСБ операциянинг муваффақиятсизлигига асосий сабаб сифатида Украина махсус хизматдагилар ушбу келишувни ўзаро мувофиқлаштирмаганини келтирмоқда.

Украина томони қўлга олинган шахсни қайтаришни сўраган.