Россияда "Газпром"га тегишли заводда портлаш содир бўлди

Россияда "Газпром" энергетика компаниясига қарашли табиий газ заводида портлаш содир бўлди.

Портлаш Россиянинг Ямало-Ненетс автоном вилоятида жойлашган мамлакатнинг энг йирик табиий газ заводида тунда рўй берди.

Маълумотга кўра, воқеа табиий газ қувурларининг уланиш нуқталарида босимнинг кескин ошиши оқибатида содир бўлган.

Воқеа жойига “Газпром”нинг ўт ўчириш хизмати ходимлари ва Россия Фавқулодда вазиятлар вазирлиги бўлинмалари етиб келишган.

Ёнғин ўчирилганидан сўнг, заводнинг ишлаб чиқариш фаолияти қайта тикланди.

Портлаш сабаблари текширилмоқда.