Россия ва Украина уруши тугашининг асосий шартлари айтилди

НАТОнинг Украинага аъзолик беришдан бош тортиши Москва ва Киев ўртасида тинчлик ўрнатишнинг асосий шартларидан биридир. Бу ҳақда таниқли америкалик иқтисодчи, Колумбия университети профессори Жеффри Сакс айтиб ўтди.

Бошқа муҳим шартлар қаторида у Россия қўшинларини Украина ҳудудидан олиб чиқиб кетиш, шунингдек, демилитаризация ва Қрим ҳамда Донбасс бўйича прагматик битимлар тузишни ҳам айтиб ўтди.

«Бундай келишувнинг кафиллари БМТ Хавфсизлик Кенгаши ва Россия ҳамда Украинага дўст бўлган нейтрал давлатлар гуруҳи, масалан, Ҳиндистон, Бразилия, Аргентина ва бошқалар бўлиши керак», деди у.