Россия ва Туркия муросага келишни ўрганиб олишди - Путин

Россия ва Туркия муросага келишни ўрганиб олишди - Путин

Россия президенти Владимир Путин Туркия президенти Тойиб Эрдўғон билан бўлиб ўтган учрашувда Москва ва Анқара ўзаро муросага келишни ўрганиб олишди, деди.
Путин айтишига кўра, икки давлат орасидаги музокаралар баъзан оддий кечмаса-да, лекин охирида барибир ижобий натижа билан тугайди.
"Халқаро майдонда биз Сурияда тинчлик ўрнатиш, Ливия бўйича қарашларимизни мувофиқлаштириш ҳамда Озарбайжон ва Арманистон можаросини тугатиш бўйича мувафаққиятли ҳамкорлик қилиб келмоқдамиз", - деди Россия раҳбари.
Тойиб Эрдўған ўз навбатида Россия ва Туркиянинг Сурияда тинчлик ўрнатиш биргаликда бўйича амалга ошираётган қадамларининг ўта муҳим аҳамиятга эга эканини қайд этди.

Туркия президенти шунингжек Россия билан ҳамкорликда Туркия жанубидаги Мерсин вилоятида қурилаётган "Аккую" атом электр станциясига ташриф буюрганини маълум қилди.
"Қурилиш ишлари режа бўйича амалга оширилмоқда. Менга АЭС қурилиши белгиланган вақтда якунланишини хабар қилишди. Ўйлайманки келгуси йилда биз станциянинг биринчи блокини ишга туширишимиз мумкин", - деди Эрдўғон.
Ундан ташқари Туркия президнти Россияга ўрмон ёнғинлари билан курашда кўрсатган ёрдами учун миннатдорлик билдирди.
Дмитрий Песков айтишига кўра, президентлар дастлаб юзма-юз мулоқот қилишади, ва ундан сўнг биргаликда ишчи нонушта қилишади. Учрашув якунида ҳеч қандай ҳужжатлар имзоланишўи режалаштирилмаган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!