Россия нефт учун тўловларни рублга ўтказмайди - Александр Новак

Россия нефт учун тўловларни рублга ўтказмайди - Александр Новак

Россия ҳукумати нефт учун тўловларни ҳам газ учун бўлгани каби рублга ўтказишни режалаштирмаган. Бу ҳақда Россия бош вазири ўринбосари Александр Новак маълум қилди.

"Бизда газ соҳасида экспортёр битта, нефт соҳасида эса экспортёрлар кўп. Нефт бозори анча либераллашган, шу боис бундай механизмни жорий этиш анча қийин", - деди у.

Унинг фикрича, 2022 йил охирига бориб, бир баррел нефт нархи 150 доллардан ошиши мумкин.

“Йил охирига бориб бир баррел нефт 150 доллар, балки ундан ҳам қимматроқ бўлиши мумкин. Ҳаммаси Европадаги логистика қандай ташкиллаштирилишига боғлиқ”, — деди Новак.

16 июн ҳолатига Brent русумидаги нефтнинг бир баррели нархи 118 долларни ташкил этмоқда.

Март охирларида Россия президенти Владимир Путин “нодўст” мамлакатлар билан газ савдосини рублда амалга ошириш тўғрисидаги фармонни имзолаганди. Фармонга кўра, бу давлатлар Россиядан олинган газ учун рублда пул тўлаши керак.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!

Билдирилган фикрлар (1 )

    Оxsford
    Яна долларлаб қолибсанларми. От айланиб қозиғини топади.