Россия Испания ва Италиянинг 51 нафар дипломатини мамлакатдан ҳайдаб юборди

Россия Испания ва Италиянинг 51 нафар дипломатини мамлакатдан ҳайдаб юборди

Россия Италия ва Испаниянинг Москвадаги элчихонаси ходимларини мамлакатдан чиқариб юбормоқда. Бу ҳақда ТАСС хабар берди.

Қайд этилишича, бугун, 18 май куни Испаниянинг Москвадаги элчиси Маркос Гомес Мартинес Россия ТИВга чақирилган. Дипломатик идорада элчига Мадриднинг Россия элчихонасининг 27 нафар ходими ҳақидаги провокацион баёноти муносабати билан кескин норозилик билдирилган.

“Жавоб сифатида Испаниянинг Москвадаги элчихонаси ва Санкт-Петербургдаги Испания бош консуллигининг 27 нафар ходими “персона нон грата” деб эълон қилинди. Улар элчига тегишли нота топширилган пайтдан бошлаб етти кун ичида мамлакатни тарк этишлари керак”, дейилган Россия Ташқи ишлар вазирлиги тарқатган баёнотда.

Бундан ташқари, Италиянинг Москвадаги элчиси 18 май куни Россия Ташқи ишлар вазирлигига чақирилган ва мамлакатнинг Россиядаги элчихонасининг 24 нафар ходими чиқариб юборилиши маълум қилинган.

Эслатиб ўтамиз, 5 апрель куни Испания Ташқи ишлар вазири Хосе Мануэль Альбарес қиролликдан 27 нафар россиялик дипломатни чиқариб юбориш тўғрисида қарор қабул қилинганини билдирди. Маҳаллий матбуотнинг ёзишича, уларга мамлакатни тарк этиш учун етти кун муҳлат берилган.

Италия эса 30 нафар россиялик дипломатнинг чиқариб юборган эди.

Эслатиб ўтамиз, Россия апрель ойида Европа Иттифоқи, Болгария ва Германиянинг мамлакатдаги дипломатларини чиқариб юборганди. Май ойида эса Дания, Болгария, Руминия ва Франция дипломатларини “персона нон грата” деб эълон қилди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!