Россия ҳукумати 8 давлат билан авиақатновларни тиклайди
Россия ҳукумати Италия, Белгия, Кипр ва AҚШ каби қатор давлатлар билан парвозларни 28 июндан қайта тиклашга қарор қилди. Шу билан бирга, рус сайёҳлари учун энг машҳур мамлакатлардан бири бўлиб қолаётган Туркияга парвозлар 22 июнь куни амалга оширилади. Бу ҳақда Россия Бош вазирининг ижтимоий сиёсат бўйича ўринбосари Татьяна Голикова маълум қилди.
«Бизнинг мутахассисларимиз хулосасига асосланиб ва ушбу масалани барча манфаатдор федерал ижроия органлари билан муҳокама қилиш ва тўлиқ кўриб чиқишни ҳисобга олган ҳолда, оператив штаб йиғилишида республика шу йилнинг 22 июнидан бошлаб Туркия билан авиа алоқасини тиклаши мақсадга мувофиқ деб қарор қилинди», деди у.
Aйни пайтда, Россияда сўнгги бир неча кун ичида коронавирус билан касалланиш сони сезиларли даражада ошди, бу ҳинд штаммининг тарқалиши билан боғлиқ. Шу билан бирга, Голикованинг сўзларига кўра, сўнгги икки кун ичида коронавирус туфайли ўлим 14 фоизга ошган.
