Россия ЕОИИдан бошқа давлатларга гуруч экспортини тақиқлади
Россия Қишлоқ хўжалиги ҳукумати гуруч, гуруч ёрмалари ва озуқа аминокислоталарини экспорт қилишни 2022 йилнинг 31 декабригача чеклади.
Хусусан, L-лизин сульфат, L-лизин моноҳидрохлорид ва DL-метионин – ҳайвонларнинг тўлиқ озиқланиши учун зарур бўлган муҳим озуқа аминокислоталарига вақтинчалик экспорт чекловлари жорий этилди.
Ушбу қарор озиқ-овқат хавфсизлигини таъминлаш, ушбу маҳсулотларнинг ички нархларини барқарор сақлаш, шунингдек, чорвачилик ва қайта ишлаш тармоқларини қўллаб-қувватлашга қаратилган.
Шу билан бирга, вақтинчалик тақиқ ушбу маҳсулотларни ЕОИИ давлатлари, Абхазия, Жанубий Осетия, Донецк ва Луганск халқ республикаларига, шунингдек, халқаро гуманитар ёрдам кўрсатиш мақсадида экспорт қилишга тааллуқли эмас.