Россия БМТ Хавфсизлик Кенгашида АҚШнинг КХДРга қарши санкциялар ҳақидаги резолюциясига вето қўйди, ҳужжат қабул қилинмади

Япон денгизи йўналишида баллистик ракеталар учирилгани учун КХДРга қарши янги санкциялар жорий қилиш режалаштирилган.

Резолюция лойиҳасида Шимолий Кореянинг ракета ва ядровий дастурлари ривожланишига таъсир қилиши керак бўлган қўшимча чекловлар кўзда тутилган. Бундан ташқари, Қўшма Штатлар БМТга баллистик ракеталарни учириш ва қанотли ракеталарни синовдан ўтказиш, шунингдек, ядро қуролини етказиб беришнинг бошқа барча воситаларини тақиқлашни узайтиришни таклиф қилди.

Лойиҳада КХДРга хом нефт ва нефт маҳсулотлари экспортини қисқартириш ҳам кўзда тутилган.