Роналду финалдан сўнг де Лигтга қандай маслаҳат берди?

Голландия терма жамоаси ва "Аякс" клуби ҳимоячиси Маттейс де Лигт Миллатлар Лигаси финалида Португалияга қарши ўйиндан кейин Роналду унга қандай маслаҳат берганини айтди.

"Роналду менга "Ювентус"га ўтишни тавсия қилди. Мен буни кутмагандим, шунинг учун жуда ҳайрон бўлдим, қувондим ҳам. Аммо ҳозир мен таътилга чиқаман, келажагимни кейинроқ ўйлайман. Ўйлашимча, мен учун муҳими — қарор қабул қилганимдан кейин нималар бўлиши. Мен менга кўпроқ ўйин амалиёти берадиган жамоага ўтишни истайман", деди де Лигт.