Роналду "Брентфорд"га қарши ўйиндан кейин "МЮ" мухлисларига эътибор қаратмади
Англия Премьер-лигасининг 2-тур учрашувида “Манчестер Юнайтед” сафарда “Брентфорд” жамоаси меҳмони бўлди. Учрашув Эрик тен Хаг жамоасининг 0:4 ҳисобидаги йирик мағлубияти билан якунланди.
Криштиану Роналду майдонлда 90 дақиқа ҳаракат қилди, аммо натижага ҳеч қандай таъсир кўрсата олмади. Учрашув якунлангач, ҳафсаласи пир бўлган португалиялик футболчи "қизил иблислар" мухлисларига эътибор бермай, меҳмон сектори ёнидан ўтиб кетди, деб хабар бермоқда журналист Сэмюэль Лакхерст ижтимоий тармоқларда. Шу билан бирга, мураббийлар штаби аъзоларидан бири футболчига мухлисларга яқинлашишни маслаҳат берган, бироқ Роналду бу маслаҳатга қулоқ тутмади.
Эслатиб ўтамиз, Криштиану аввалроқ жорий трансфер ойнасида "Манчестер Юнайтед"ни тарк этиш ниятида эканлигини маълум қилганди, аммо клуб раҳбарлари ҳужумчининг жамоадан кетишини хоҳлашмаяпти.
