Роналду А Серияга қайтишга тайёр!

Португалия терма жамоаси ва “Манчестер Юнайтед” ҳужумчиси Криштиану Роналду Италия чемпионатига қайтиши мумкин. Бу ҳақда Calciomercato хабар бермоқда.

Манбага кўра, 37 ёшли тўпурарнинг агенти Жорже Мендеш ўз мижозининг хизматларини "Олд Траффорд"даги қайтишидан олдин ўйнаган Туриннинг "Ювентус" клубига таклиф қилган. "Кекса синьора" вакиллари билан суҳбат чоғида Мендеш Криштиану ўтган йили италиялик грандни тарк этганидан афсусда эканлигини айтган.

Роналду жамоанинг чемпионлик пойгасига қайтишига ёрдам бериш учун Туринга кўчиб ўтишга тайёр. Бунинг учун португалияликлар маошларни қисқартиришга рози.

Криштиану 2018 йилдан 2021 йилгача "Ювентус"ни ҳимоя қилган.