«Реал» маошлар қисқартирилганини эълон қилди
Мадриднинг «Реал» клуби коронавирус пандемияси туфайли юзага келган танаффус сабабли спортчилар ва ходимлар маошининг қисқартирилганини эълон қилди.
«Қироллик клуби»нинг барча футболчилари ва баскетболчилари, шунингдек раҳбарият бунга рози бўлишди. Энди мавсумнинг қолган қисми тақдирига боғлиқ ҳолда маошлар 10-20 фоизга қисқартирилади.
Эслатиб ўтамиз, коронавирус пандемияси туфайли Испания чемпионати ўйинлари номаълум муддатгача тўхтатилган. 27 турдан кейин «Барселона» 58 очко билан пешқадамлик қилмоқда. «Реал» ундан 1 очко ортда қолган иккинчи ўринни эгаллаб турибди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
