Расман: Хоразмда боғчалар 3 кунга ёпилади

Хоразм вилоятида ҳаво ҳароратининг кескин исиши муносабати билан вилоятдаги барча давлат мактабгача таълим ташкилотлари фаолияти вақтинча тўхтатилади.

Маълум қилинишича, жорий ҳафтада ҳаво ҳарорати 44–45°C гача кўтарилиши кутилмоқда. Шу муносабат билан 14–17 июль кунлари давлат боғчалари фаолияти вақтинча тўхтатилади.

Мазкур қарор болалар саломатлиги ва хавфсизлигини таъминлаш мақсадида қабул қилинган.