Расман! Владимир Зеленский — Украина президенти
Украинанинг сайланган президенти Владимир Зеленский 20 май куни қасамёд қилди ва расман президентлик вазифасини бажаришга киришди.
Қасамёд маросими Киев вақти билан соат 10 да Олий рада биносида бўлиб ўтди. Бу борада Олий рада 16 май куни қарор қилган эди.
Зеленский инаугурациясида 60 га яқин давлат вакиллари, хусусан Латвия, Литва, Эстония, Грузия ва Венгрия президентлари иштирок этмоқда. Москвада инаугурация маросимига таклифнома олмаганларини айтишмоқда. Ўзбекистондан маросимда ким иштирок этгани ҳақида ҳам маълумот йўқ.
Зеленский президент сайловининг 21 апрелда ўтган иккинчи босқичида амалдаги президент Петро Порошенкодан устун келган эди. Зеленскийга сайловчиларнинг 73 фоизи овоз берган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
