Қуриб топширилган арзон уйларнинг 2791 тасидан 1157 тасида нуқсонлар аниқланган
Бу ҳақда АОКАда ижтимоий соҳани ривожлантириш масалалари бўйича ўтказилган матбуот анжуманида Қурилиш вазири ўринбосари Эркин Искандаров маълум қилди:
«2020 йилда арзон кўп квартирали уй-жойлар қурилиши, уйларнинг сифат назорати бўйича қурилиши назорати томонидан 2791 та топширилган уйлардан 1157 тасида нуқсонлар аниқланиб, камчиликларни бартараф этиш бўйича ишлар амалга оширилди.
🔎 Давлат дастурида белгиланган вазифаларга мувофиқ, Шаффоф қурилиш миллий тизими эксперимент тариқасида Тошкент шаҳри ва вилоятида ишга туширилди. 2021 йил 1 январдан бошлаб ушбу тизим республиканинг барча ҳудудларида жорий қилинади.
Шаффоф қурилиш миллий тизими қуйидагиларни қамраб олади:
🔸инвестиция дастурларига киритилган объектлар;
🔸архитектура режалаштириш топшириқларининг бажарилиши;
🔸лойиҳа-смета ҳужжатларини экспертизадан ўтказиш;
🔸 қурилиш сифатини назорат қилиш;
🔸шаҳар ва қишлоқларнинг бош планлари».