Қозоғистонлик теннисчи Германиядаги турнир ғолиби бўлди

Қозоғистонлик теннисчи Германиядаги турнир ғолиби бўлди

Германиянинг Нюрнберг шаҳрида теннис бўйича WTA туркумига кирувчи “Nürnberger Versicherungscup” турнири якунланди.

Умумий соврин жамғармаси 250 минг доллардан иборат ушбу турнирда бош совринни қозоғистонлик Юлия Путинцева қўлга киритди. У финалда словениялик ракетка устаси Тамара Зиданшекни уч сетда 4/6, 6/4, 6/2 ҳисобларига мағлуб этди. Бу 24 ёшли Путинцева учун WTA турнирларидаги илк ғалабасидир.

Айни вақтда дунё рейтингида 39-ўринни эгаллаб турган Юлия Нюрнбергдаги ғалабаси эвазига ўз шахсий жамғармасини 34 677 еврога бойитиб олди ва 250 рейтинг очкосини қўлга киритди. Бу натижа орқали Путинцева эртага эълон қилинадиган WTAнинг янги ҳафталик рейтингида бирйўла 11 поғонага юқорилаб, 28-ўринни эгаллайдиган бўлди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!