Қозоғистонда ракета ҳалокатга учради

Бугун, 11 октябрь куни Бойқўнғир космодромидан учган “Союз” ракетаси мотори штатдан ташқари ўчиб қолди. Натижада Халқаро космик станциясининг янги экипажи Қозоғистон ҳудудига фавқулодда қўнишга мажбур бўлди.

“Иккинчи босқичдаги мотор авариявий тарзда ўчиб қолган. Экипаж аъзолари тирик ва Қозоғистон ҳудудига фавқулодда қўнди”, дейилади хабарда.

Экипаж аъзолари билан алоқа мавжуд. Қутқарувчилар ҳалокат жойига йўл олган. Унинг таркибига тўртта Ми-8 вертолёти ва қутқарув гуруҳи учун Ан-12 самолёти киритилган.

Manba: qalampir. com