Қойил! 44 фарзандни дунёга келтирган 39 ёшли она

Угандалик 39 ёшли Мариам Набатанти бутун ҳаёти давомида 44 фарзандни дунёга келтирди.

Аёл олтита маротаба жуфт эгизак, тўрт маротаба уч эгизак, яна беш маротаба тўрт эгизакни бирданига дунёга келтирган. Бироқ, афсуски, 44 фарзандидан 38 нафаригина тирик қолган, қолган олтитаси эса туғилганида ёки касаллик туфайли вафот этган, дейди “The Sun”.

Нашрнинг маълумотларига кўра, Мариам биринчи эгизакларини 12 ёшида, никоҳдан бир йил кейин туққан. Айтганча, Уганда - Африка мамлакатлари орасида энг серфарзанди ҳисобланади. Бу ерда бир аёл ўртача 5-6 болани дунёга келтиради. Набатанти эса бу ҳудудда рекордчи онадир.