Қошиқчи иши: “Хўжайин, иш бажарилди”
Саудиялик қотиллар гуруҳи аъзоси Жамол Қошиқчи ўлдирилгандан бир мунча вақт ўтгач, валиаҳд ёрдамчисига “хўжайинингизга айтинг, миссия бажарилди”, деб айтган. Бу ҳақда The New York Timesга асосан Azon.uz хабар берди.
Қошиқчининг ўлими ёзувларини тўплаган, Туркия разведкасининг уч нафар ходимининг айтишича, “хўжайнингизга” деган сўз бу Саудия валиаҳди Муҳаммад ибн Салмонни англатади.
Америкалик разведка мулозимлари бу ёзувларни ибн Салмонни қотилликка боғлаб турган энг кучли далил сифатида кўришмоқда.
Қошиқчини ўлдириш учун юборилган 15 нафар шахслардан бири бўлган Моҳир Абдулазиз Мутриб сарой мулозимларидан бирига қўнғироқ қилган ва араб тилида суҳбатлашган, дейди NYT. Мутриб Саудия шаҳзодаси билан тез-тез сафарга чиққан хавфсизлик ходими ҳисобланади.
