Қорақалпоқ Давлат университетига ўқишга киритмоқчи бўлган фирибгарлар ушланди

Бош прокуратура ҳузуридаги Департамент ҳамда ДХХнинг Қорақалпоғистон Республикаси бошқармалари томонидан ўтказилган тезкор тадбирда,  фуқаро И.Ж., Ж.Х. ва Д.Х.лар олдиндан тил бириктириб, фуқаро Д.ни Қорақалпоқ Давлат университетининг жисмоний тарбия факультетига танишлари орқали ўқишга киритиб қўйиш эвазига 5 000 АҚШ доллари қийматида 3 000 АҚШ доллари ва 20 млн сўмни фирибгарлик йўли билан олган вақтида ашёвий далиллар билан ушланганлар.

Мазкур ҳолат юзасидан Жиноят кодексининг 168-моддаси (фирибгарлик) ва 28,211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.