Қорақалпоғистонда икки йигит вояга етмаган қизнинг номусига тегди

Қорақалпоғистонда икки йигит вояга етмаган қизнинг номусига тегди

Ҳуқуқ нашри Қорақалпоғистоннинг жанубий туманларининг бирида юз берган жиноят ҳақида мақола чоп этди. Қуйида ушбу мақола тўлиғича ҳавола этилди.

1993 йилда туғилган Бегзод Эргашев бундан уч йил олдин баданга шикаст етказиш билан боғлиқ жиноятга қўл урган, аммо суднинг ажримига кўра унинг айблилик масаласи тарафларнинг ярашганлиги муносабати билан ҳаракатдан тугатилганди. Бу, агар у теранроқ фикр юритганида, ёшликдаги хатосидан тегишли хулоса чиқариб олиши учун ўзига берилган имконият эди. Афсус, биз ҳи коя қилмоқчи бўлган воқеа қаҳрамон ларидан бири ўтмишдаги хатосидан тегишли хулоса чиқармади. Аксига олиб, бекор юрди, тайинли бир ишнинг бошидан тутмади, қолаверса, ёш оиласи ташвиши ни ота-она ихтиёрига топшириб, ўзига ўхшаган лар билан улфатчилик қилишни одатга айлантирди.

Б.Эргашев шундай кунларнинг бирида ахлоқан қашшоқлиги боис оиласидан ажрашган, на келинлик хонадонига, на ота уйига сиғмай, саёқ юрган Дилноза Ҳамидуллаева билан танишиб қолади. Буни қарангки, дунёқарашлари бири-бирига ўхшаш бу кимсалар пинҳона учрашувларини ҳам бошлаб юборишади.

Дарвоқе, кези келганда яна бир гапни айтиш жоиз, Б.Эргашев бу пайт ларда ўзига олдиндан таниш бўлган, ҳали балоғат ёшига етмаган қизнинг ҳам бошини айлантириб , хаёлида, уни ҳам ўзиники қилиб қўйганди

Бегзоднинг бундай юришлари кунлардан бир кун қандайдир кўнгилсизликни келтириб чиқариши ўз-ўзидан маълум эди. Аммо Бегзод, Дилноза ва уларнинг танишлари бўлган Ойназар Муратов, Ойбек Ҳайитов ва Шоҳрух Ихтиёровлар бу ҳақиқатни ҳатто хаёлига ҳам келтирмасди.

Туман ҳудудида жойлашган кафеларнинг биридан маст ҳолатда чиққан йигитлар ўтиришни давом эттириш мақсадида О.Ҳайитовнинг бўш турган уйига боришади. Табиийки, ичкиликбозлик бу ерда ҳам давом этиб, ўтириш қизийди. Орадан бироз вақт ўтгач, Бегзод маст ҳолатида бу уйга вояга етмаган танишини ҳам олиб келади. Ҳали балоғат ёшига етмаган, унинг устига, бундай тартибсиз ўтиришларда иштирок этиб кўрмаган қиз ўзини ноқулай сезади. Айниқса, унинг қўлига ароқ тўла пиёла тутқазилганида, у дастурхон атрофидагиларга ўзининг ароқ ичиб кўрмаганлигини ва умуман, ичишни хоҳламаслигини айтади. Лекин, у ичмайман , деб қанча ҳаракат қилмасин, барибир атрофдагиларнинг қистови билан ичишга мажбур бўлади.

Мана шундай қистов остида уч-тўрт пиёла ароқ ичган қиз маст бўлиб қолади. Ёшлигидан фойдаланган ҳолда бошини айлантириб юрган қизининг ана шундай ҳолатга тушишини пойлаб ўтирган Бегзод унинг ёнига боради ва гўёки, ёрдам бермоқчи бўлгандек, уни уйнинг алоҳида хонасига етаклайди

Бегзод синглиси тенги қизнинг номусини булғаб, дастурхон атрофига келганидан сўнг ичкиликбозлик яна давом этади. Бегзоднинг пасткашлиги тутиб, ҳозиргина нима иш қилгани ҳақида айтиб, мақтанар ва бундан ўзича ҳузурланарди. Энг ачинарлиси, бу ишнинг оқибати нималарга олиб келиши мумкинлигини шу ерда ўтирганларнинг ҳеч бири ҳатто хаёлига ҳам келтирмасди. Аксинча, энди бу хонага маст ҳолатда бўлган Ойназар ҳам киришга қарор қилади ва қизнинг ожизлигидан, яъни ўзини ҳимоя қилиш имкониятига эга эмаслигидан фойдаланади

Икки йигит томонидан оғир жиноят содир этилаётган пайтда қизнинг ота-онаси хавотирланиб, ички ишлар бўлимига мурожаат қилган ва у қидирилаётганди. Қилғиликни қилиб, бир қизнинг номусини булғаган жиноятчилар эса жиноий жавобгарликдан қутулиш мақсадида турли найрангларни ишга солиш билан овора эди. Лекин, уларнинг ўйлаб топган найранглари, табиийки, иш бермаслиги кундек равшан эди. Жиноятчилар шу куннинг ўзидаёқ қўлга олиниб, уларга нисбатан жиноят иши қўзғатилди.

Суд ишни холисона ва ҳар томонлама ўрганиб чиқди. Одил суднинг ҳукмига биноан, Бегзод Эргашев ва Ойназар Муратовларга қилмишларига яраша узоқ муддатга озодликдан маҳрум қилиш жазоси тайинланди.

Албатта, биз ушбу жиноят тафсилотларини имкон қадар қисқартириб, исм ва фамилияларни эса ўзгартирган ҳолда сизга етказишга ҳаракат қилдик. Хулоса чиқаришни эса газета ўқувчиларининг ихтиёрига қолдирдик.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!