Қирғизистонда Ўзбекистонга наркотик ўтказишни ташкиллаштирган депутат қўлга олинди

Қирғизистонда Тожикистон – Қирғизистон – Ўзбекистон йўналиши бўйича халқаро нарконакал ташкил этган уюшган жиноий гуруҳ фаолиятига чек қўйилди. Бу ҳақда мамлакат Давлат миллий хавфсизлик хизмати матбуот хизмати хабар қилди.

Маълум қилинишича, тожикистонлик наша жаллоблар билан қаторда Қадамжой тумани маҳаллий кенгаш депутати О.М.Б. ушбу уюшган жиноий гуруҳ ташкилотчиси бўлган. Депутат Тожикистондан Қирғизистон орқали Ўзбекистон ҳудудига гиёҳванд моддаларини ўтказиш ва сотиш билан шуғулланган.

7 июнь куни Қадамжойда ўтказилган махсус амалиёт вақтида депутат О.М.Б. навбатдаги наркотик моддаларини Ўзбекистонга ўтказишга уриниш вақтида қўлга олинган. Депутат ва унинг акасининг уй ва машиналари тинтув қилинганда 37,5 кг марихуана, 9 кг хом афюн, силлиқ стволли қурол (тегишли рухсатномасиз), 232 минг доллар, 42,3 млн ўзбек сўми ва 106 минг қирғиз соми аниқланган.

Депутатдан ташқари яна икки гумонланувчи ушланган – О.К.М. ва О.К.А.

Ҳозирда наркоканалнинг Тожикистондан бўлган ташкилотчиларини аниқлашга қаратилган чоралар кўрилмоқда.