Қирғизистонда қиз ўғирланишига ва аёлларни мажбуран турмушга чиқишига қарши намойишлар бошланди

Қирғизистонда маҳаллий аёллардан бири, Айзада Канатбекова ўғирлаб кетилиб ўлдирилгандан сўнг, қизни ўғирлаш ва аёлларни мажбуран турмушга чиқишига қарши оммавий норозилик намойишлари бошланган. 

"EurAsia Daily"нинг ёзишича, оммавий намойишлар Бишкекда бошланган. Намойишчилар хавфсизлик кучлари жиноятчиликка қарши тура олмасликларини ва фуқароларни ҳимоя қила олмасликларини билдириб, Ички ишлар вазири ва пойтахт ИИБ раҳбариятининг истеъфосини талаб қилишмоқда.

Айзада Канатбекова 5 апрель, душанба куни эрталаб ўғирлаб кетилган. Ҳодиса видеокузатув камерасига тушган, полиция машиналарнинг давлат рақамларини, шунингдек, уч гумонланувчининг исмлари ва телефон рақамларини билган. Ҳуқуқни муҳофаза қилиш идоралари ходимлари ҳатто улардан бирига қўнғироқ қилган. Унга жавобан телефонга жавоб берган шахс Канатбекова билан турмуш қурмоқчи эканлигини айтган ва суҳбатни узиб қўйган. Икки кундан сўнг қиз ўлик ҳолда топилган.

Маълум бўлишича, қизни ўғирлашда тахмин қилинганлардан бирини жасади Айзада Канатбекова жасадининг ёнидан топилган. Яна бир гумонланувчи ҳибсга олинган. Учинчисининг қаерда экани номаълум.

Маҳаллий парламент депутати Марлен Маматалиев таъкидлаганидек, мамлакатда келин ўғирлаш одат тусига киради ва шунинг учун улар кўпинча бундай ҳолатларга кўз юмилади. Никоҳ мақсадида ўғирлаш тушунчаси бўлмаслиги керак. Буни ўғирлик сифатида баҳолаш керак ва жазони кучайтириш керак.

Ўз навбатида, Бош вазир Улуғбек Марипов Қирғиз жамиятида қиз ўғирлашни аёлларнинг ҳуқуқларининг бузилиши эканини қайд этган.