Қирғизистон ва Туркманистонда Россия телеканаллари тўсиб қўйилди
Қирғизистонда Россиянинг бир қанча Бутунроссия давлат телевидение ва радиоешиттириш компанияси телеканаллари бир томонлама равишда вақтинча тўсиб қўйилди. Бу ҳақда Қирғизистоннинг Aкнет телекоммуникация компанияси маълумотларига таяниб, “Интерфакс” хабар берди.
Россия телеканалларининг вақтинча ишламаслигига "бир қатор мамлакатларда умумроссия телеканалларини халқаро сунъий йўлдошларда тарқатиш бўйича қабул қилинган қонунчилик чекловлари" сабаб бўлди.
Энди барқарор сигнал учун заҳиравий трансляцияни ташкил қилиш ишлари олиб борилмоқда.
Россиянинг иккита телеканали – “Россия 1” ва “Звезда” телеканалларининг кўрсатуви Туркманистонда ҳам тўсиб қўйилган, улар мамлакатнинг энг йирик лицензияланган алоқа оператори “Aшхобод шаҳар телефон тармоғи” ЁAЖ томонидан трансляция қилинади.
Ушбу каналларга ўтишда қуйидаги эълон пайдо бўлади: "Телекартага боғлиқ бўлмаган сабабларга кўра, бутун Россия телеканалларини хорижий сунъий йўлдошлардан кўрсатишга чеклов қўйилганлиги сабабли телеканалнинг трансляцияси тўсиб қўйилган. Aйни пайтда биз заҳиравий трансляцияни ташкил қилиш устида ишламоқдамиз, шундан сўнг трансляция тўлиқ тикланади”.
Туркманистонда мавжуд бўлган қолган Россия телеканаллари аввалгидек эфирга узатилишда давом этмоқда.
