Қашқадарёда йигит жанжаллашиб, синфдошини темир бўлаги билан урди

Маълум бўлишича, воқеа 4 июль куни тунги вақтда туманнинг Қайрағоч маҳалла фуқаролар йиғини ҳудудида содир бўлган. Аниқланишича, икки синфдош ўртасида келишмовчилик юзага келган. Таъкидланишича, Ш.Р. исмли йигит тортишув пайтида Ш.Ж.нинг қорин қисмига темир бўлаги билан урган.

Қайд этилишича, у бунинг оқибатида оғир тан жароҳати олган. Шунингдек, мазкур ҳолат вилоят ИИБ ва туман ИИБ масъул ходимлари ва жамоатчилик вакиллари иштирокида муҳокама қилинган.

Аввалроқ Тошкент вилоятида 2 эркак жанжаллашиб, бири бошқасининг бошига бильярд таёғи билан ургани хабар қилинган. Шунингдек, Тошкентдаги мактабларнинг бирида 10-синф ўқувчиси 11-синф ўқувчисига оғир тан жароҳати етказгани маълум қилинган.