Қашқадарёда карантинга ёпилган бозорлар қачон очилади?
Вилоятимизда фаолияти тўхтатилган деҳқон бозорлари, шунингдек, буюм бозорларига рухсат берилади. Бу ҳақда Вилоят ҳокимлиги ахборот хизмати маълум қилди.
Карантин қоидаларига амал қилмасдан фаолият юритган 7 та деҳқон бозори карантин тадбирларини амалга ошириш учун ёпилган эди.
Ушбу бозорларда карантин талаблари қатъий йўлга қўйилган ҳолда эртадан фаолият юритишига рухсат берилади.
Шунингдек, шаҳар ва туманларимиздаги мавжуд буюм бозорлари ҳам қатъий карантин қоидаларига амал қилиниши бўйича маҳаллий ҳокимларнинг вилоят махсус комиссиясига тақдим этган кафолат хати билангина 15 июндан очилишига рухсат этилади.
15 июндан фаолиятига рухсат бериладиган умумий овқатланиш объектларини карантин қоидаларига амал қилиш ҳолатлари доимий тарзда комиссия назоратида бўлади.
