Қашқадарёда фуқаро ва унинг поччаси бир-бирини дўппослади
2021 йилнинг 24 июль куни соат 17-00 ларда Китоб тумани “Панжи” МФЙда яшовчи Х.Ғ турмуш ўртоғи Х.Онинг синглисини ўғли С.Б.га “Юр қўйларимга укол қилдиришим керак, шунга ёрдам берасан”-деб, уни уйидан олиб кетиб, ўзи раҳбарлик қилаётган фермер хўжалиги дала майдонига олиб бориб, у ерда қўйларга укол қилиб бўлишгандан сўнг уша ерда иккаласи 3 шиша ароқ ичиб дам олиб ўтирган вақтда, С.Б маст ҳолатда ҳеч бир сабабсиз Х.Ғнинг тўғри келган жойларга қўл ва оёқлари билан уриб-тепиб тан жароҳати етказиб қочиб кетган.
Шундан сўнг, Х.Ғ ўзига келган вақтда С.Б яна унинг олдига қайтиб келганини кўриб, ерда турган белкуракни олиб уни шу белкурак билан уриб йиқитиб тан жароҳати етказиб, эплай олмаганидан сўнг уни иккала қўлини боғлаб қўйиб, С.Б.нинг укаси С.Д.ни чақириб бериб юборган.
Мазкур ҳолат 25.07.2021 йилда Китоб тумани ИИБ Навбатчилик қисмидан рўйҳатдан ўтказилиб, ҳодиса содир бўлган жой кўздан кечирилиб, процессуал расмийлаштирилган.
Туман тиббиёт бирлашмасининг тиббий маълумотномасига кўра, С.Б.нинг бош мия чайқалиши, энса соҳасини эзилиб йиртилган жароҳати, бурун суягининг ёпиқ синиши, ўнг томондан 5-6 қовурғаларининг ўрта қўлтиқ ости чизиғи бўйича синиши, аралаш шок 2-3 даражаси кўринишидаги тан жароҳатлари борлиги кўрсатилган.
Туман тиббиёт бирлашмасининг тиббий маълумотномасига кўра, Х.Ғ.нинг бош мия чайқалиши, иккала кўз қовоқ соҳасидаги кўкариб шишган жароҳатлар, олд томондан 3 дона тишларнинг силжиб синиши ва юздаги қонталашлар кўринишидаги тан жароҳатлари борлиги кўрсатилган.
Мазкур ҳолат юзасидан Китоб тумани ИИБ ТБ томонидан терговга қадар текширув ҳаракатлари олиб борилмоқда.
