Путин яна президент бўладими?

Путин яна президент бўладими?

Россия президенти Владимир Путин Конституцияда президентлик муддати чекланишини бекор қилишга қарши чиқди, деб ёзмоқда «Коммерсантъ». Шу билан бирга, бу Конституцияга зид келмаслиги учун Конституциявий суд томонидан тасдиқлансагина буни қўллаб-қувватлашини билдирган. 

Маълум бўлишича, «Единая Россия» партиясидан бўлган Валентина Терешкова депутатлар йиғилишида Конституцияга кетма-кет президентлик қилишдаги чекловни олиб ташлаш ёки амалдаги президентнинг лавозим муддатига чегарани олиб ташлаш назарда тутилган ўзгартириш киритишни таклиф қилган.

Терешкованинг таклифидан сўнг Давлат Думаси раиси ярим соатлик танаффус эълон қилган ва Путинга қўнғироқ қилиб, бу борада суҳбатлашган. «Валентина Владимировна томонидан киритилган тузатиш, авваламбор, амалдаги президент билан маслаҳатлашишни талаб қилади, чунки масала у ҳақда кетаётгани учун унинг фикрини сўраш мақсадга мувофиқ бўларди», — деган Володин.

Терешкова эса сунъий тўсиқлар яратмасдан, барчасини очиқ, ошкора кўриб чиқиш ёки Конституциядан президентлик муддатига доир чекловларни бутунлай олиб ташлаш кераклигини айтган. «Ёки бўлмаса, вазият шуни тақазо этса ва энг муҳими одамлар шуни хоҳласа, янгиланган Конституцияга мувофиқ қонунга амалдаги президентнинг ушбу лавозимга қайта сайланиш имкониятини киритиш керак», — деган у.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!