Путин "Трамп унинг кучукчаси" эканлиги ҳақидаги гапга жавоб қайтарди
АҚШда Демократик партиядан президентликка номзод Жо Байденнинг ҳозирги давлат раҳбари Дональд Трампни "Путиннинг кучуги" деб атагани Россияни "кўтаради". Бу ҳақда Россия президенти Владимир Путин "Россия 24" телеканалига берган интервьюсида AҚШдаги сайловлар бўйича дебатлар ҳақида фикр билдирар экан, айтиб ўтди.
Путинга кўра, бундай баёнотлар умуман Қўшма Штатлардаги сиёсий маданият даражаси ёки унинг умуман йўқлигини исботлайди, аммо Россия бунга аралашмайди.
Путиннинг таъкидлашича, бу бутун вазият Россияга тегишли эмас, Трамп ва Байден бир-бирларини ўзлари хоҳлаганича тартибга солишлари керак. Унинг сўзларига кўра, Қўшма Штатларда содир бўлаётган барча нарса – бу Aмериканинг ички муаммоларидан келиб чиққан сиёсий характердаги ички жараёнлар.
