Путин армияда кутилмаган текширув ўтказишни буюрди
Россия Президенти, мамлакат қуролли кучлари Бош қўмондони Владимир Путин кутилмаганда армияни текширишни буюрди. Бу ҳақда Лента нашрига Мудофаа вазирлиги раҳбари Сергей Шойгу маълум қилди.
Текшириш жанубий ва ғарбий ҳарбий округлар қўшинларига, Ҳаво кучларига ва Шимолий ва Тинч океан флоти денгиз кучларига тааллуқли.
Шойгу текширув пайтида 56 тактик машқ бажарилишини айтди. Унда 150 мингга яқин аскар, 26 мингдан ортиқ техника, 414 самолёт, 106 кема ва қатнашади. Машғулотлар 35 та машқ майдончалари ва машқ майдонлари, шунингдек, Қора ва Каспий денгизларидаги 17 денгиз машқ майдончаларини қамраб олади.
Мудофаа вазирлиги армиянинг тайёргарлигини баҳолаш, шунингдек, катта таркиб ва ҳарбий қисмларни "Кавказ-2020" машғулотларига киритиш тўғрисида қарор қабул қилиш учун текширув олиб борилаётганига аниқлик киритди.
22 июн куни Москва ташқарисидаги Кубинка шаҳридаги Патриот паркида Россия қуролли кучларининг асосий ибодатхонасига ташрифи чоғида Путин Россиянинг мудофаа қобилияти ва хавфсизлиги ишончли тарзда таъминланганлигини айтди. Россия раҳбарининг сўзларига кўра, ҳарбийлар ўзларининг вазифаларини шараф билан бажармоқдалар ва анъаналарга содиқ қолмоқда.
