Путин АҚШда қонунийлаштирилган коррупция мавжудлигини қайд этди

“АҚШда қонунийлаштирилган коррупция тизими мавжуд ва у амалий фаолият юритмоқда”, деди Россия президенти Владимир Путин энергетика ҳафталиги форумида.
Путиннинг фикрига кўра, АҚШда қонуний қилиб қўйилган лоббизм ҳеч бир жиҳати билан коррупциядан фарқ қилмайди.

“АҚШдаги қонуний лоббизм нима дегани? Бу қонунийлаштирилган коррупция дегани”, деди Владимир Путин.

Россия раҳбари АҚШда бу хусусда гапирмаслик маъқул кўрилишини таъкидлади.

Маълумот учун, лоббизмга, одатда, хусусий шахс ёки нодавдат ташкилот вакилининг маълум мақсадни амалга ошириш учун ҳукумат ёки маҳаллий ҳукуматга таъсир ўтказиши, деб таъриф берилади.