Президентнинг туғишган акасининг қабри топилди
Қидирув ташкилоти ходимлари Ленинградни қамал қилиш пайтида болалигида вафот этган Россия Президенти Владимир Путин акасининг қабрини топишди. Бу ҳақда Путиннинг ўзи Инсон ҳуқуқлари кенгаши йиғилишида маълум қилди, дея хабар берди “нсн.фм”.
Давлат раҳбари акасининг қабри Пискаревкада топилганлигини ва нафақат бу жой, балки яна бир қариндошининг дафн этилган жой ҳам аниқланганини таъкидлаган.
"Ота-она ҳам унинг қаердалигини билишмасди, улар шунчаки қоғоз юборишганди, унда эса акамнинг қамал пайтида ўлгани ёзилганди", деди президент.
Маълумот ўрнида, Путин оиладаги учинчи ўғил. Акалари у туғилишидан олдин вафот этишган. Катта акаси Алберт Улуғ ватан уруши бошланишидан олдин бу дунёни тарк этган.
Кичик акаси Виктор эса 1942 йилда Ленинградда дифтериядан икки ёшида вафот этган.
