Президент ўзи билан бир кунда туғилганларни таваллуд айёмига таклиф қилди

Швейцария Президенти Симонетта Соммаруга ўз фуқароларига ажойиб таклиф билан чиқди. У ўзининг 60 ёшга тўлиши муносабати билан ўтадиган маросимга у билан бир кунда туғилган барча фуқароларни таклиф этган. Бу ҳақида “The Local” нашри хабар бермоқда.  

Тантанада иштирок этиш учун президентнинг веб-сайтидан рўйхатдан ўтиш ва паспорт нусхасини тақдим қилиш керак бўлади.

Соммаруга ўз юбилейини 14 май куни, Берндан унча узоқ бўлмаган жойда нишонлайди.  

Нашр берган маълумотларга кўра, давлат раҳбари билан бир кунда 260 нафар атрофида швейцариялик таваллуд топган.

Manba: qalampir.uz