Президент саҳрода автораллига тайёрланаётиб қумга тиқилиб қолди (видео)

Президент саҳрода автораллига тайёрланаётиб қумга тиқилиб қолди (видео)

Туркманистон президенти Гурбангули Бердимуҳамедов «Амуль-Хазар» раллисига тайёргарлик доирасида саҳрода машғулот ўтказди. Президентнинг синов юриши тасвирланган видеоёзув «Хроника Туркменистана» томонидан эълон қилинди.

ТДХ ахборот агентлигининг билдиришича, машғулот Қорақум саҳросида ўтказилган. Бердимуҳамедов саҳрода синовдан ўтказган ралли автомобили президентнинг ўзи томонидан лойиҳаланган ва йиғилган.



Синов вақтида машина қумга тиқилиб қолди, аммо Туркманистон раҳбари абжирлик билан машина ғилдираклари остига қуриган шох-шаббалардан ташлаб, қум «чангали»дан чиқа олди ва йўлида давом этди.

«Амуль-Хазар 2018» халқаро автораллиси 9-14 сентябрь кунлари Туркманистонда бўлиб ўтади.

Июнь ойида Туркманистон президенти ўз чизмалари асосида пойга машинасини йиғди, бир ой илгари эса ралли автомобиллари пойгасида қатнашиб навбатдаги ғалабасига эришди — у 2015 йил августда «Альфа-Ромео-2015» мусобақаларида ғалаба қозонганди.

Manba: zamin.uz


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!