Президент пенсия ва нафақаларни 10 фоизга ошириш тўғрисидаги фармонга имзо чекди
Ўзбекистон Республикаси Президенти Шавкат Мирзиёев «Коронавирус пандемияси даврида ижтимоий ҳимояга ва ёрдамга муҳтож аҳоли қатламларини моддий қўллаб-қувватлашга доир қўшимча чора-тадбирлар тўғрисида»ги фармонни имзоланди.
Унга кўра, 2020 йил 1 сентябрдан пенсия ва нафақалар миқдори 1,1 баробар оширилади.
Пенсияни ҳисоблашнинг базавий миқдори – ойига 262 470 сўм этиб белгиланди. Бунда ўртача пенсия миқдори 764 минг сўмдан 841 минг сўмгача ошади.
- - энг кам ёшга доир пенсиялар – ойига 513 350 сўм;
- - болаликдан ногиронлиги бўлган шахсларга бериладиган нафақа – ойига 513 350 сўм;
- - зарур иш стажи (7 йил)га эга бўлмаган 37,5 минг нафар кекса ёшдаги фуқароларга бериладиган нафақа – ойига 315 030 сўм.
Пандемия даврида бу нима беради?
2,8 млн кексалар, 687 минг нафар ногиронлиги бўлган шахслар, 210 мингдан ортиқ боқувчисини йўқотган шахслар моддий қўллаб-қувватланади
Аҳолини ижтимоий қўллаб-қувватлаш харажатларига 2020 йил охиригача бюджетдан қўшимча 2,5 трлн. сўм йўналтирилади.